Autor: Henri Losch
Henri Losch, 1931 zu Dikrech gebuer, ass Schoulmeeschter, Kannerbuch- an Dréibuchauteur, Iwwersetzer an Erzieler. Dobäi huet hien sech och als Theater- a Filmschauspiller en Numm gemaach. Nieft Erënnerungen aus der Kannerzäit „Sou laang een drun denkt … Grouss a Kleng am Krich“ (1985), „E Bouf erzielt – Eng gewéinlech, ongewéinlech Kannerzäit am Krich“ (2004) an engem Krimi „Häerzerkinnek“ (2007), huet den Henri Losch och nach véier Abenteuerbicher fir déi jonk Lieser publizéiert: „Geheimnisser vum drolege Schlasshär“ (2003, 2004, 2005) an „De Geescht an der aler Brauerei“ (2009). Fir déi ganz Kleng huet e Kannerbicher adaptéiert an an d’Lëtzebuergescht iwwersat. 2007 ass een Hörbuch mat Auszich, gelies vum Auteur, aus „E Bouf erzielt“ erauskomm. 2012 gouf „Koppeges a Bosseges – E Schoulmeeschter erzielt“, 2015 „D’Rennscheier – E Guide erzielt“ publizéiert an elo, 2017, kënnt aus dëser Serie eraus: „De Kregéiler – E Frënd vun der Natur erzielt“, 2018 „Sympathesch Kauzen“.