Von Jœgd an was hei ein Fründ von nedderdüütsche Språk un nedderdüütsche Bäuker.
Nåhdäm dat hei för den lütten Krink von Fründschaft un Bekanntschaft all allerhand plattdüütsche Såken rutergäwen hett, un dat dor gaud ankåmen is, wågt hei dat nu, mit dat Œwersetten von „De Gäus von Bützow“ – ’ne Novell, de de einkennige Wilhelm Raabe vör hunnertföftig Johren schräwen hett – ok anner plattdüütsche Läser up sien Daun upmarksam tau måken.
Büürtig up Rügen, lääft hei nu in Nuurdhusen/Thüringen, is œwer in ’n Harten ümmer Mäkelbörger bläwen.