D’Martine Schoellen ass 1965 zu Lëtzebuerg op d’Welt komm. No der Première am Lycée classique Diekirch huet si Germanistik an Anglistik op der Universität des Saarlandes studéiert. D’Martine Schoellen ass Däitschproff. Bei den Éditions Guy Binsfeld huet si De Grüffelo, Dem Grüffelo säi Kand an ZOG, vum Julia Donaldson an Axel Scheffler, aus dem Engleschen an d’Lëtzebuergescht iwwersat.
Bis elo onverëffentlecht ass dem Martine Schoellen seng lëtzebuergesch Iwwersetzung vum Hans Christian Andersen sengem Mäerchen Den Dëlpeshans, no der däitscher Textfaassung Der Tölpelhans vum Volker Quandt. Dat Stéck fir de jonke Public gouf 2012 an 2014, vum Nationaltheater Mannheim – Schnawwl, zu Lëtzebuerg an an der Groussregioun opgefouert.